"Барселона" бош мураббийи Хави Эрнандес ёзда "Жирона"дан жамоага келиб қўшилган ҳимоячи ярим ҳимоячи Ориол Ромеунинг келажаги борасида бир қарорга келди.

Mundo Deportivo хабарига кўра, жамоа устози тажрибали ярим ҳимоячининг ушбу трансфер ойнасида жамоани тарк этишини истамаяпти. Манбанинг айтишича, Ромеунинг ўзи ҳам январда кетишни истамайди. Ориол ҳеч бўлмаганда мавсум охиригача қолишни истайди.

Эслатиб ўтамиз, 32 ёшли ярим ҳимоячининг шартномаси 2026 йилда якунига етади. Аввалроқ "Жирона" Ромеуни қайтаришга қизиқаётгани хабар қилинганди.