Италиянинг "Милан" клуби собиқ футболчиси Андрей Шевченкони Украина футбол ассоциацияси (УФА) президенти этиб тайинлангани билан табриклади.
"Биз Украина футбол ассоциацияси президенти лавозимини эгаллаган Андрей Шевченкони табриклаймиз ва унга омад тилаймиз", дейилади "Милан" матбуот хизмати ижтимоий тармоқларда эълон қилинган хабарда.
Эслатиб ўтамиз, Шевченконинг тайинланиши бугун, 25 январь куни маълум бўлди. "Милан" ва "Челси"нинг собиқ ҳужумчиси УФА тарихидаги олтинчи президент бўлди. Ташкилотнинг аввалги раҳбари Андрей Павелко уюшмадаги коррупция можаролари туфайли қамоқда. Андрей Шевченко Украина терма жамоаси тарихидаги энг яхши тўпурар ҳисобланади. Киевнинг "Динамо", "Милан" ва "Челси" клубларининг собиқ ҳужумчиси 111 та ўйинда 48 та гол урган.
