"Севилья" мотамда. Клуб ўзининг расмий сайтида қайғули хабарни эълон қилди – "Атлетико"га қарши кубок ўйини учун кетаётган уч мухлис йўл-транспорт ҳодисаси оқибатида ҳалок бўлди.
"Севилья" ҳамдардлик билдирди ва ҳалок бўлганларнинг оилаларини қўллаб-қувватлади. "Севилья" футболчилари "Атлетико Мадрид"га қарши ўйинда қора мотам боғичларидан фойдаланишади. Клуб футбол федерациясидан учрашувни бир дақиқалик сукут сақлаш билан бошлашни сўради. "Атлетико" ва "Севилья" ўртасидаги Испания кубогининг 1/4 финали Тошкент вақти билан соат 01:00да бошланади.
