"Ливерпуль" "Реал Сосьедад"нинг 22 ёшли вингери Такефуса Кубони сотиб олишга жиддий қизиқиш билдирмоқда. Бу ҳақда Relevo хабар бермоқда.
Манбанинг хабарига кўра, қишки трансфер ойнаси очилишидан олдин ҳам инглиз клуби эҳтимолий трансфер тафсилотларини билиш учун "Реал Сосьедад" билан боғланган. Бироқ футболчининг ўзи "Ливерпул"га ўтиш таклифини рад этди, чунки у мавсум охиригача испан жамоасида қолиш ниятида. Таъкидланишича, "мерсисайдликлар" Кубога бўлган қизиқишни йўқотмаган ва келаси ёзда уни яна сотиб олишга ҳаракат қилади.
Эслатиб ўтамиз, жорий мавсумда Кубо барча турнирларда 25та ўйинда иштирок этиб, олтита гол ва тўртта голли узатмага муаллифлик қилган.
