Парижликлар ҳужумчи Уго Экитике учун янги клуб топишга умид қилмоқда.
21 ёшли футболчи бош мураббий Луис Энрикенинг режаларига киритилмаган, шу боис парижликлар раҳбарияти январь ойида ҳужумчи билан хайрлашишга қатъий қарор қилган.
Франкфуртнинг "Aйнтрахт"и аллақачон Экитикени қўлга киритиш учун муваффақиятсиз уринган. Журналист Лоик Тансининг ёзишича, «ПСЖ» франциялик футболчини 30 миллион еврога сотиб олиш мажбурияти билан ижарага беришга тайёр, шунингдек, футболчининг маошини тўлиқ қоплашни талаб қилади.
Ҳужумчининг ўзи трансфер жараёнини осонлаштириш учун маошини камайтиришга рози.
