Эрик тен Хаг мавсум охирида "Манчестер Юнайтед" бош мураббийлигидан кетиши мумкин. Клубнинг футбол фаолиятини ўз қўлига олган INEOS мавсум охирида Тен Хаг борасида бир қарорга келиши кутилмоқда. Агар натижа қониқарсиз деб топилса, клуб нидерландиялик мутахассис билан хайрлашади.
"Манчестер Юнайтед" бош мураббийи лавозимига номзодлардан бири Томас Тухель ҳисобланади. Bild хабарига кўра, машҳур немис мураббийи Англия Премьер-лигасига қайтишни истамоқда ва уни "Олд Траффорд"да ишлаш имконияти ўзига тортмоқда. Ўтмишда Тухелнинг "қизил иблислар" билан алоқаси борлиги ҳақида хабарлар тарқалган эди.
Тухель ҳозирда “Бавария”ни бошқармоқда. Миш-мишларга кўра, немис гранди раҳбарлари мавсум якунида мураббийни алмаштириш имкониятини кўриб чиқмоқда.
Айтганча, яқинда танқидлар остида Томас Тухель Англияда ўзини ватани Германияга қараганда кўпроқ ҳурмат қилишини айтди. Аввалроқ Тухель Туманли Албионда "Челси"ни бошқарган.
