Аргентина терма жамоаси бош мураббийи Лионель Скалони келажакда Испанияда ишлаш ниятида эканлигини тан олди. Мутахассиснинг амалдаги шартномаси 2026 йил охиригача мўлжалланган.
Мураббийлик фаолиятининг бошида Скалони "Севилья"да Хорхе Сампаолининг ёрдамчиси бўлган ва футболчи сифатида Испаниянинг "Депортиво", "Расинг" ва "Мальорка" клубларида ўйнаган.
“Испанияда ишлаш? Ҳа, бу менинг режаларимга киритилган. Ҳамма нарсанинг ўз вақти бор, лекин Испанияда ишлаш менинг мақсадим. Испания менинг иккинчи уйим, мен маҳаллий футболни яхши биламан, бу ажойиб мамлакатда яшаш менга ёқади. Қолаверса, агар керак бўлса, "Депортиво"га ёрдам қўлини чўзишга тайёр эканлигимни доим айтганман", - дея Аргентина терма жамоасини ЖЧ-2022да ғалабага етаклаган Скалони сўзларидан иқтибос келтиради Barca Universal.
