"Барcелона Атлетик" бош мураббийи Рафаэль Маркес "кўк-анорранглилар"нинг асосий жамоасини бошқаришга тайёрлигини айтди.
"Турнир якунланишидан олдин раҳбарият ўзи хоҳлаган мураббийни танлаш учун яхшилаб ўйлаб кўришга улгуради. Бу жараённинг бир қисми. Менга қўнғироқ қилишса, тайёрман. Ким "Барса" мураббийи бўлишни хоҳламайди? Мен тайёргарликни давом эттираман, бу менинг иккинчи мураббийлик мавсумим. Лекин сиз буюк клубга мураббийлик қилиш имкониятини рад эта олмайсиз", - дея Маркеснинг сўзларини келтиради Barca Universal.
Эслатиб ўтамиз, аввалроқ "Барселона" Испания чемпионатининг 21-туридан ўрин олган "Вильярреал" билан ўйинда (3:5) мағлуб бўлганди. Шундан сўнг, Хави мавсум якунида "Барселона"ни тарк этишини эълон қилди.
