"Наполи" "Лацио"га қарши ўйинда дарвозага аниқ зарба бермади.
А Сериянинг 22-туридан ўрин олган бугунги ўйин 0:0 ҳисобида якунланди. Шу билан бирга неаполликлар дарвоза томон бирорта ҳам зарба беришмади.
"Наполи" 2007/08 йилги мавсумдан буён учинчи бор бундай натижа қайд этди.
Биринчи марта бундай ҳолат 2011 йилнинг февралида "Милан" билан ўйинда, иккинчи марта 2012 йилнинг апрелида "Ювентус" билан ўйинда содир бўлган.
А Сериянинг жорий мавсумида "Наполи" 32 очко билан турнир жадвалида 9-ўринда бормоқда.
