"Манчестер Юнайтед" вингери Амад Диалло ижтимоий тармоқдаги "қизил иблислар" унинг вақтини ўтказишга арзимаслиги ҳақидаги постга "лайк" босди.
21 ёшли ивуарлик футболчи жорий мавсумда “қизил иблислар” сафида атиги бир марта майдонга тушди. У шунингдек, якшанба куни Англия кубоги 4-турида "Ньюпорт"га қарши ўйинда (4:2) қайдномага киритилган, аммо захирада қолган.
Ўтган мавсумда Диалло ижара асосида ўйнаган "Сандерленд" мухлисларидан бири ижтимоий тармоқларда футболчини ўз жамоасига қайтишга чақирди: "Амад, агар сени "Ньюпорт" билан Англия кубоги доирасидаги сафар учрашувида майдонга туширишмаса, унда, уларнинг таркибида вақтингни ўтказмаслигинг керак. Сени чин дилдан қадрлайдиган уйга кел" - деб қолдирилган постга Диалло "лайк" босди.
Диалло "Манчестер Юнайтед"га 2021 йилнинг январида "Аталанта"дан 21 миллион евро эвазига ўтган ва икки марта "Рейнжерс" ва "Сандерленд"га ижарага берилган.
