"Челси" ва "Селтик"нинг собиқ ҳужумчиси Крис Саттоннинг фикрича, "Ливерпуль" ҳужумчиси Муҳаммад Салоҳ ва "қизиллар" ҳимоячиси Виржил ван Дейк жорий мавсум охирида "мерсисайдликлар" клубини тарк этишда Юрген Клоппга эргашади.
"Бу Клопп даврининг охири деб ўйлайдиганлар бор. Салоҳ мавсум охирида кетадиган кўринади. Ван Дейк бошқа муаммони ҳам кўриб чиқаётган бўлиши мумкин. Биласизми, менимча, Клоппнинг кетиши футболчилар ва жамоага катта таъсир қилади. Албатта, биз футболчилар учун гапира олмаймиз, лекин мен ишонаманки, Эндрю Робертсон ҳам кетади. Балки улар буни йўлнинг охири сифатида қабул қилишар ва бу уларга олдинга бориш имкониятини беради", - деди Саттон Daily Mail билан суҳбатда.
Эслатиб ўтамиз, 26 январь куни Юрген Клопп жорий мавсум якунида "Ливерпул"ни тарк этишини маълум қилганди.
