"Болонья" сафида А Серияда ўйнаётган шотландиялик ярим ҳимоячи Льюис Фергюсон Италиянинг бир қанча клубларининг нишонига айланган. Бу ҳақда Football-Italia нашри хабар бермоқда.
Манбага кўра, 24 ёшли ярим ҳимоячи учун Туриннинг "Ювентус", Римнинг "Лацио" ва "Милан" клублари кураш олиб боради. Футболчи учун кураш ёзги трансфер ойнасига яқинроқ бошланади.
Фергюсон 2022 йилдан бери "Болонья" шарафини ҳимоя қилиб келмоқда. Футболчининг трансфер қиймати 18 миллион еврога баҳоланмоқда. Томонлар ўртасидаги шартнома 2027 йилнинг ўрталарига қадар тузилган. Жорий мавсумда шотландиялик футболчи 22 та ўйин ўтказиб, 4 та гол ва 3 та голли узатмани амалга оширди.
