Ҳуқуқлари "Марсел"га тегишли бўлган ҳужумкор ярим ҳимоячи Исмоил Сарр клубини ўзгартириши мумкин.
Футболчи билан Европанинг бир қанча клублари қизиқиш билдирмоқда. Football Transfers нашри хабарига кўра, вингер учун учта клуб кураш олиб боради.
Гап "Эвертон", "Ноттингем Форест" ва "Вильярреал" ҳақида кетмоқда. "Эвертон" аллақачон ўз позициясини белгилаб қўйган - клуб Саррни жорий мавсум охиригача ижарага олмоқчи. "Марсель" ўз навбатида тўлиқ трансферга тайёр.
Провансликлар Саррни 15 миллион еврога баҳоламоқда. Лига 1нинг жорий мавсумида Исмоил 14 та учрашувда иштирок этиб, 3 та гол урди ва голли узатмани амалга оширди.
