Ўйин дастлабки дақиқаларданоқ шиддатли ва кескин курашларга бой тарзда бошланди. Аммо ҳар иккала жамоа футболчиларида дарвоза томон якуний зарба йўллаш борасида муаммолар борлиги кўзга ташланиб турди. Иккинчи таймдаги ўзгаришлардан сўнг, ташаббус бироз жамоамиз томонига ўтди. Ўйиннинг 69-дақиқасида Диёр Туропов қанотдан жарима майдонига ёриб кирди ва тўпни дарвозабон устидан ошириб ташлаган ҳолда ҳисобни очди. Бу гол ўйинда ягона бўлди.

Жамоамиз таркиби борасидаги ўзгаришлар ҳақида айтадиган бўлсак, жамоа машғулотларида дарвозабон Шерзод Йўлдошев ва ҳужумчи Шаҳбоз Эркинов иштирок этмоқда. Кўрикда бўлган ёш дарвозабон Жасур Турсунбоевга эса жавоб берилган.

“Олмалиқ” – “Қизилқум” 1:0

Гол: Диёр Туропов 69.

“Олмалиқ”: Роман Абдулов (Умид Хонимқулов, 64), Акмал Рустамов, Дарко Станоевич, Евгений Гоголь, Маъмур Абдуллаев (Азамат Исроилов, 51), Исроил Эргашев (Диёр Туропов, 58), Зафар Тўраев (Достон Абдураҳмонов, 37), Игорь Петкович, Самандар Шодмонов (Сардор Сотволдиев, 69), Элёр Мамасолиев (Зоҳир Пиримов, 46), Зафар Полвонов (Мўйдин Мамазулумов, 46).

“Қизилқум”: Артём Макосин (Эркин Жабборов, 62), Аваз Агалиев (Зайниддин Комилов, 81), Акмал Холиқов, Алишер Турдиев, Тимур Васильев (Файзулло Қамбаров, 81), Андрей Власичев (Ғуломҳайдар Ғуломов, 74), Музаффар Умирзоқов (Фаррух Ҳайдаров, 46), Яннис Мандзукас (Азиз Мансуров, 46), Феруз Бобоқулов, Алишер Холиқов (Муқим Тошматов, 62).

Ҳакам: Олим Тўйчибоев.