Каталониянинг “Барселона” клуби президенти Жоан Лапорта мавсум якунланганидан кейин Хави Эрнандеснинг жамоа бош мураббийи лавозимини тарк этиш қарори ҳақида гапирди.
"Хави агар ўзи жамоадан кетса жамоа учун яхшироқ бўлишини айтди. Мен унинг қарорини қабул қилдим.
Лекин мен уни истеъфога чиқариш ҳақида ўйламагандим. Гарчи бу мавсумда ҳаммаси биз кутгандек бўлмаган эрса-да", - деди Лапорта.
Эрнандес 2021 йилнинг ноябридан бери Каталония гранди бош мураббийи ҳисобланади. Томонлар ўртасидаги амалдаги шартнома келаси йил якунига етади. Охирги баҳсда "кўк-анорранглилар" “Осасуна”ни 1:0 ҳисобида мағлуб этишди.
