38 ёшли испаниялик ҳужумчи Aльваро Негредо эркин агентга айланди. Унинг айни дамдаги сўнгги клуби "Кадис" энг тажрибали форварддан ажралишини эълон қилди.

Негредо "Кадис"да 2020 йилнинг ёзидан бери ўйнамоқда, у Саудиянинг "Aн-Наср" клубидан Ла Лигага қайтганди.

Умумий ҳисобда у “Кадис” либосида 105 та ўйин ўтказиб, 20 та гол урган. Жорий мавсумда Негредо бор йўғи тўққизта ўйинда майдонга тушиб, гол ура олмади.

Негредо шу ёзда 39 ёшга тўлади. Фаолияти давомида Aлваро кўплаб клубларда, жумладан "Севилья", "Валенсия", "Реал Мадрид", "Манчестер Сити" ва "Мидлсбро" ва Испания терма жамоасида ўйнаган.