Январь ойидаги трансфер ойнаси очилиши вақтида "ПСЖ" "Бавария" марказий ҳимоячиси Маттейс де Лигтни қўлга киритишга бир неча бор уриниб кўрди, бироқ мюнхенликлар клуби футболчиси француз грандининг барча таклифларини рад этди. Бу ҳақда L'Equipe нашри хабар бермоқда.
Аввалроқ ОАВда "Бавария" ҳам 24 ёшли ҳимоячи билан хайрлашмоқчи эмаслиги ҳақида маълумот пайдо бўлганди. Буни Мюнхен клуби бош мураббийи Томас Тухель ҳам тасдиқлади ва "Бавария" келажакда де Лигтга умид боғлашини айтди.
Эслатиб ўтамиз, де Лигт "Бавария"да 2022 йилдан буён ўйнаб келмоқда. Бу даврда у барча турнирларда 58 та учрашувда қатнашиб, 4 та гол ва битта голли узатмани амалга оширган.