"Жирона" спорт директори Кике Карсель бош мураббий Мичелнинг жамоадаги келажаги ҳақидаги фикрлари билан ўртоқлашди.

“Шубҳасиз, Мичел жуда яхши ишламоқда. Мен хавотирда эмасман (унинг кетиши мумкинлиги ҳақида), биз бор эътиборни “Реал Сосьедад”га қарши ўйинга қаратяпмиз. Агар кейинги қадам ҳақида ўйласангиз, муваффақиятсиз бўлишингиз мумкин. У буни мендан ҳам аниқроқ тушунади.

У шартномасини ишлаб чиқмоқчи, аммо футболда кўп нарса бўлиши мумкин. У жуда хурсанд ва ишончим комилки, у кейинги қадамни бу ерда, “Жирона”да қўя олишига ишонади. Акс ҳолда биз бошқача вазиятга тушиб қолган бўлардик, лекин у юз фоиз бор эътиборини жамоага қаратган", - деди Карсель.

Олдинроқ Мичел келаси мавсумда "Барселона"ни бошқариши ҳақида маълумотлар тарқалган эди. Унинг "Жирона" билан шартномаси 2026 йилгача мўлжалланган.