Эртага — 4-февраль куни Суперлиганинг 2024-йилги мавсумига қуръа ташланади. Жараёнда Бергер усули қўлланилади.
Икки клубнинг бир стадиондан фойдаланиши 5 ҳолатда кузатилади. Бу эса икки клуб ўзаро жуфтлик ҳосил қилишига олиб келади. Яъни, клублардан бири номинал мезбон бўлса, иккинчиси сафарда тўп суриши таъминланади.
Юқоридаги жуфт клублардан бирига рақам танлангач, иккинчи жамоа автоматик равишда мос рақамга жойлаштирилади. Мазкур ҳолатда қайси рақамлар ўзаро жуфтлик ҳосил қилгани қуйидаги расмда аниқлаштириб берилган.
Жуфтлик ҳосил қилган умумий 10 клуб ўз рақамларига эга чиққач, қолган 4 та клуб эҳтимолий юзлашиши мумкин бўлган 4 та рақам саватга жойланади ва шу тариқа барча жамоа учун рақам танланади. Қуйидаги расмда 1-тур қандай кўринишда бўлиши келтирилган. Ундан кейинроқда эса биринчи давранинг барча учрашувлари кўрсатилган.
