Ўзбекистон U-20 ёшлар терма жамоаси навбатдаги ўқув-машғулот йиғинини ўтказиш 14 февраль куни учун Туркияга жўнаб кетди. 26 февраль кунига қадар давом этадиган йиғин давомида, ўзбекистонлик ёшлар иккита ўртоқлик учрашувида майдонга тушади. Мазкур учрашувлардан бири Туркия U-20 ёшлар терма жамоасига қарши бўлиб ўтади. Учрашув 20 февраль куни Анталия шаҳрида ўтказилади.

Эслатиб ўтамиз, Аҳмаджон Мусаев бош мураббийлигидаги Ўзбекистон U-20 ёшлар терма жамоаси шу йилнинг 21 июнь - 13 июль кунлари айнан Туркияда бўлиб ўтадиган ёшлар ўртасидаги жаҳон чемпионати финал босқичида иштирок этади.

Ўзбекистон U-20 терма жамоасининг Туркиядаги йиғинига жалб этилган футболчилари рўйхати:
Дарвозабонлар: Асилбек Омонов («Пахтакор»), Баходир Мирсоатов («Оқтепа»), Акмал Турсунбоев («Пахтакор»);
Ҳимоячилар: Тохиржон Шамсиддинов («Пахтакор»), Максимилиян Фомин («Пахтакор»), Муҳсинжон Убайдуллаев («Пахтакор»), Жавлон Мирабдуллаев («Бунёдкор»), Бобурбек Йўлдошев («Локомотив»);
Ярим ҳимоячилар: Жахонгир Абдумўминов («Машъал»), Иҳтиёр Тошпўлатов («Машъал»), Абдуллох Олимов («Пахтакор»), Сардор Собирхўжаев («Бунёдкор»), Баҳодир Мирзараҳимов («Пахтакор»), Жасурбек Ҳакимов («Пахтакор»), Сергей Рекун («Пахтакор»), Нурбек Нуриддинов («Насаф»), Аббосбек Махсталиев («Пахтакор»), Владимир Козак («Пахтакор»), Жамшид Искандеров («Пахтакор»), Шохназар Норбеков («Металлург»), Жалолиддин Машарипов («Пахтакор»);
Ҳужумчилар: Забиҳилло Ўринбоев («Бунёдкор»), Абдул Азиз Юсупов («Пахтакор»), Тимур Ҳакимов («Пахтакор»), Игорь Сергеев («Пахтакор»).