Италия чемпионатининг навбатдаги, йигирма учинчи турида “Милан” “Фрозиноне”ни мағлуб этди ва Маттео Габбия бу ўйинда жамоасининг иккинчи голини киритди.
У ўйин натижалари ҳақида шундай фикр билдирди:
"Менга майдонда қилаётган ишим ёқади. Қайтганимдан бери умумий ритмга мослашишга ҳаракат қилдим.
Ростини айтсам, биз кўп нарсадан маҳрум бўламиз. Бу ҳақда мураббий билан гаплашиб олгандик. Бу унчалик ёқимли эмас, биз яхшиланишимиз керак", - дея Габбиянинг сўзларини келтиради pianetamilan.it.
"Милан" айни дамда A Серия турнир жадвалида 3-ўринни эгаллаб турибди. Кейинги турда Стефано Пиоли шогирдлари амалдаги мамлакат чемпиони "Наполи"га қарши курашишлари керак.
