"Интер" ҳужумчиси Лаутаро Мартинес клуб билан янги шартнома борасидаги музокаралар ҳақида гапирди.
“Ҳали ҳеч қандай янгилик йўқ. Биз музокаралар олиб бормоқдамиз ва шартларни муҳокама қиламиз. Биз тўғри йўлдамиз. Мен “Интер”да жуда хурсандман, шунинг учун ташвишланадиган ҳеч нарса йўқ. Биз шунчаки гаплашиб, келишувга эришишимиз керак", - дея Мартинес сўзларини келтиради журналист Фабрицио Романо.
Мартинес "Интер"да 2018 йилнинг июлидан буён ўйнаб келмоқда. 2023/24 йилги мавсумда 26 ёшли аргентиналик футболчи жамоаси сафида 29 та ўйинда майдонга тушиб, 22 та гол урди ва 5 та голли узатмани амалга оширди.
