"Барселона" ярим ҳимоячи Френки де Йонг билан шартномани узайтиришни режалаштирган.

Нидерландиялик билан янги меҳнат шартномаси бўйича бўлажак музокаралар ҳақида маълумот ўтган йили матбуотда пайдо бўлган, аммо аниқ маълумотлар ҳеч қачон ошкор этилмаган.

Sport нашрининг янгиланган маълумотларига кўра, каталонияликлар раҳбарияти яна 26 ёшли ярим ҳимоячи билан шартномани узайтиришга киришган.

"Кўк-анорранглилар"нинг асосий ўйинчиларидан бирининг амалдаги шартномаси 2026 йилнинг ўрталарида якунига етади. Френки де Йонг жорий мавсумда “Барселона” сафида 22 та ўйин ўтказиб, битта гол урган. Футболчи 2019 йилдан бери жамоа шарафини ҳимоя қилиб келмоқда.