Англия терма жамоаси Евро-2024 га тайёргарлик кўриш учун Босния ва Герцеговина ҳамда Исландия терма жамоаларига қарши майдонга тушишади.
Эслатиб ўтамиз, Англия терма жамоаси Евро-2024 саралашидан муваффақиятли ўтди ва Германиядаги турнирни 16 июнь куни Сербияга қарши ўйин билан бошлайди.
Евро-2024 олдидан инглизлар иккита ўртоқлик ўйини ўтказади, бу эса бош мураббий Гарет Саутгейтга унинг қайдномаси бўйича қарор қабул қилишга ёрдам беради.
BBC нашри хабарига кўра, Англия 3 июнь куни "Сент-Жеймс Парк"да боснияликларни қабул қилади, тўрт кундан кейин эса "Уэмбли"да исландияликларга қарши майдонга тушади.
Босния ва Герцеговина ҳамда Исландия терма жамоалари ҳали Евро-2024 йўлланмасини қўлга кирита олишмади, бироқ бунинг учун март ойида бошланадиган плей-офф ўйинлари орқали эришишга ҳаракат қилади.
