"Манчестер Юнайтед" ҳали Эрик тен Хагнинг клубда келажаги бор-йўқлиги ҳақида бир қарорга келмаган.
Клуб вакиллари яқинда Aнтонио Конте ва Хулен Лопетегига мурожаат қилишди, дея хабар беради Caughtoffside.
Манбага кўра, "Манчестер Юнайтед"нинг янги хўжайинлари яқин келажакда Тен Хагни ўзгартириш ниятида эмас, аммо нидерландияликнинг узоқ муддатли истиқболи ноаниқлигича қолмоқда.
Эҳтимол, бу масала мавсум охирида ҳал бўлади. Эслатиб ўтамиз, Aнтонио Конте ўтган баҳорда "Тоттенхэм"ни тарк этганидан бери ишсиз қолмоқда.
Италиялик мутахассисга "Милан" ҳам даъвогар экани ҳақида хабарлар тарқалган.
