"Рома" бош мураббийи Даниэле Де Росси А Сериянинг 23-тури доирасидаги "Кальяри" устидан қозонилган ғалаба (4:0) ҳақида фикр билдирди.
"Бизда жуда кучли жамоа бор, йигитлар фақат ўзларига ишонишлари керак. "Кальяри" билан ўйиннинг бошиданоқ ажойиб кўриндик, тўпни назорат қилдик, қачон бўш жойдан фойдаланиш яхшироқ эканини тушундик.
Қоғозда биздан кучсизроқ учта жамоага қарши ўйнадик. Мен ҳурматсизлик қилиб, бизга осон бўлди демоқчи эмасман, лекин "Рома"дек клуб "Кальяри", "Верона" ва "Салернитана"ни мағлуб этиши керак.
Кўп очко қўлга киритганимиздан хурсандман, аммо жадвалга қарашга ҳали эрта", - деди Де Росси Football Italia билан суҳбатда.
