"Манчестер Сити" ярим ҳимоячиси Фил Фоден 2023/2024 йилги мавсумдаги формаси ҳақида гапирди.

Кеча, 5 февраль куни "шаҳарликлар" Англия чемпионатининг 23-тур учрашувида "Брентфорд"ни мағлуб этишди (3:1). Фоден хет-трик қайд этди.

"Менинг яхши формамнинг сири нимада? Балки фантастик ўйинчилар билан ўйнаш, тўғрисини айтсам, гол уриш ва жарима майдончасига кириш истаги ҳам. Ҳа, менимча, иккаласининг аралашмаси туфайли гол урдим.

Биринчи голми? Танаффус олдидан гол урганимдан хурсандман. Ўйлайманки, бу иккинчи бўлимда бироз туртки берди, шунинг учун мен голдан хурсандман", - деди Фоден клуб расмий сайтига.

Жорий мавсумда Фоден 33 та ўйин ўтказиб, 11 та гол урди ва 9 та голли узатмани амалга оширди.

23-турдан кейин "Манчестер Сити" 49 очко билан АПЛ турнир жадвалида 2-ўринни эгаллаб турибди. Чемпионатда "Ливерпуль" етакчилик қилмоқда (51 очко).