"Рома" футболчиси Пауло Дибала Жозе Моуриньо жамоа бош мураббийлигидан четлатилгани ҳақида гапирди.

"Мен унга алоҳида айтиб беришим керак бўлган ҳамма нарсани айтдим. Мавсум давомида мураббийни йўқотиш жуда ачинарли. Менимча ҳамма айбдор, лекин футболда мураббийлар товон тўлайди. Биз футболчилар ҳам содир бўлган воқеани тушунтириш учун ўз ичимизга қарашимиз керак", - деди Дибала "Рома" расмий сайтига.

Моуриньо "Рома"ни 2021 йилнинг июлида қабул қилиб олганди. Унинг қўл остида жамоа Конференциялар лигасида (2021/2022) ғолиб чиқди, шунингдек, Европа Лигаси финалига (2022/2023) етиб келди ва у ерда "Севилья"га 1:1 (4:1) мағлуб бўлди.

61 ёшли мутахассис 2024 йилнинг январида “Рома”дан истеъфога чиқарилган ва унинг ўрнига Даниэле Де Росси келганди.