"Манчестер Сити"нинг бельгиялик ярим ҳимоячиси Кевин Де Брюйне 2015 йилда жамоага келганидан бери Англия Премьер-лигаси ўйинларида 104 та голли узатмани амалга оширди. Бу вақт ичида ҳеч ким ўз шерикларига "Сити" ярим ҳимоячисидан кўра кўпроқ голли узатма бермаган.
2015 йилдан бери АПЛда энг кўп ассистентлик қилган футболчилар рўйхатида иккинчи ўринда "Ливерпуль" ҳужумчиси Муҳаммад Салоҳ (66 голли узатма) турибди. Учинчи ўринда "Манчестер Юнайтед" ярим ҳимоячиси ва "Тоттенхэм"нинг собиқ футболчиси Кристиан Эриксен (65). “Ливерпуль” ҳимоячилари Трент Александр-Арнольд ва Эндрю Робертсонлар мос равишда 57 ва 55 та голли узатмага эга.
