"Милан"нинг асосий активларидан бири Рафаэль Леау бошқа клубга 175 миллион еврога сотилиши мумкин. Бу унинг "россонерилар" билан тузилган меҳнат шартномасида товон сифатида кўрсатилган миқдор.
Журналист Себастьян Денис хабарига кўра, португалиялик форвард фаолиятини бошқа жойда давом эттиришга қарор қилган. Леауни Англия ва Испания чемпионатларини жалб қилади. Рафаэль топ-клублардан тушган таклифларни кўриб чиқишга тайёр.
Аввалроқ, португалиялик футболчига "ПСЖ" қизиқиш билдираётгани ҳақида хабар берилганди. Парижликлар Леауни Килиан Мбаппе ўрнига футболчи сифатида кўрмоқда. Форвард жорий мавсум А Сериянинг 20 та ўйинида 3 та гол урди ва 6 та голли узатмани амалга оширди.
