Каталониянинг "Барселона" клуби ҳимоячи Жоау Канселу билан тўлиқ шартнома имзоламоқчи, дея хабар беради инсайдер Николо Скира ижтимоий тармоқда.
Манбага кўра, португалиялик футболчи "Барса"да ўйнашда давом этмоқчи. Эслатиб ўтамиз, 29 ёшли футболчи "Манчестер Сити"га тегишли.
Унинг "шаҳарликлар" билан шартномаси 2027 йилнинг ёзига қадар мўлжалланган. Transfermarkt портали уни 40 миллион еврога баҳоламоқда.
Жорий мавсумда Канселу барча турнирларда 25 та ўйинда қатнашиб, ўз ҳисобига 3 та гол ва 3 та голли узатма ёздириб қўйди.
