"Атлетик Бильбао" чоршанба куни Испания Кубоги ярим финалининг биринчи ўйинида "Атлетико Мадрид"нинг 28 ўйиндан иборат мағлубиятсиз сериясини 1:0 ҳисобида ғалаба билан якунлади.
"Атлетико Мадрид" ўтган январь ойида Испания чемпионатида "Барселона"дан 0:1 ҳисобида мағлуб бўлганидан бери "Цивитас Метрополитано"да мағлуб бўлмади. Ўшандан бери Диего Симеоне шогирдлари Испания чемпионатида "Хетафе" билан икки бор дуранг ўйнаган ва 26 марта ғалаба қозонган.
Қирол кубогининг биринчи ярим финал ўйини баскларнинг минимал ғалабаси билан якунланди. “Атлетик” вингери Алекс Беренгер 11 метрлик жарима зарбасидан унумли фойдаланиб ғалаба голи муаллифи бўлди.
Жавоб ўйини 29 февраль куни "Сан-Мамес" стадионида бўлиб ўтади.
