“Милан” ҳужумчиси Оливье Жиру Англия Премьер-лигасига қайтиши мумкин эди.
37 ёшли футболчининг келажаги ноаниқлигича қолмоқда - унинг "россонерилар" билан шартномаси июнь ойида якунига етади. Calciomercato хабарига кўра, форвард январда Италияни тарк этиши мумкин эди: Лондоннинг "Фулхэм" клуби франциялик футболчига келаси мавсум охиригача шартнома таклиф қилган, аммо рад жавоби берилган. Ветеран Миланда қолишни танлади ва бу қарорга сабаблардан бири жорий мавсумда Европа Лигасида ғолиб чиқиш имконияти бўлди.
Эслатиб ўтамиз, Оливье Жиру аввал Лондоннинг бошқа клублари - "Арсенал" ва "Челси"да ўйнаган.
