"Манчестер Юнайтед" ёзда марказий ҳимоясини кучайтирмоқчи.

“Қизил иблислар”нинг навбатдаги трансфер ойнаси учун қизиқишлари рўйхатига Антониу Силва (“Бенфика”), Лени Йоро (“Лилль”) ва Жан-Клер Тодибо (“Ницца”) киради, дея хабар беради инсайдер Фабрицио Романо. Учта марказий ҳимоячининг ҳар бирини қўлга киритиш муаммоси нафақат юқори нарх, балки Европа футболининг бошқа гигантлари билан рақобат ҳам бўлиши мумкин.

Transfermarkt портали 20 ёшли Силвани 45 миллион еврога баҳоласа, портал экспертларининг фикрича, 18 ёшли Йоро ва 24 ёшли Тодибо мос равишда 25 ва 35 миллион еврога баҳоланмоқда.