"Ювентус" ярим ҳимоячиси Уэстон Маккенни клуб билан янги шартнома борасида музокара олиб бормоқда.
"Кекса синьора"нинг америкалик футболчи билан шартномани узайтиришга қизиқиши ўтган йили маълум бўлганди. Ҳозирда томонлар келишув шартларини муҳокама қилишмоқда. La Stampa нашрининг янгиланган хабарларига кўра, "Ювентус" 25 ёшли футболчига 2027 йилгача мўлжалланган шартнома таклиф қилмоқда.
Уэстон Маккенни 2020 йилда Германиянинг "Шальке-04" жамоасидан "Ювентус"га ўтган эди. Жорий мавсумда ярим ҳимоячи Массимилиано Аллегри жамоасида 23 та ўйин ўтказиб, 5 та голли узатмани амалга оширди.
