ОАВ вакиллари португалиялик мураббий Жозе Моуриньодан қайси футболчилар билан ишлашни исташини сўрашди.

«Масалан, менга Месси билан бирга ишлаш насиб этмаган, аммо ҳеч ким Леони шуғуллантира олмайди. Мессига машғулот орқали нимадир ўргатиш мумкинлигини ўйлаш беъманилик. Чунки, у шундоқ ҳам ҳамма нарсани билиб туғилган. Аксинча, у сизга баъзи нарсаларни ўргатиши мумкин. Агар таркибда Лео бўлса, бундан фахрланишингиз мумкин.

«Рома» мавзусидан узоқлашмасдан туриб шуни айтишим мумкин, мен Даниэле де Россини «Интер»га ҳам, «Реал»га ҳам олган бўлардим. Аммо бунинг имкони йўқ.

Шунингдек, ёши улғайиб қолганига қарамай, Тоттини ҳам «Интер» таклиф этишни истагандим. Аммо бунинг ҳам имкони бўлмаган. Ушбу футболчиларни мен доимо ўз жамоамда кўришни истаганман», – деди Моуриньо.