"Ливерпуль" бош мураббийи Юрген Клопп жамоа ҳужумчиси Муҳаммад Салоҳнинг аҳволи ҳақидаги саволга жавоб берди.
Эслатиб ўтамиз, 31 ёшли футболчи Африка Миллатлар кубогида Миср терма жамоаси сафида жароҳат олган эди.
Ўйиндан олдинги анжуманда Клоппдан Салоҳнинг тикланиш жараёни ҳақида сўрашди. Немис мутахассиси футболчи кейинги ҳафта машғулотларга қайтишига умид қилишини айтди.
2023/24 йилги мавсумда Салоҳ барча мусобақаларда 27 та ўйин ўтказиб, 18 марта рақиблар дарвозасига зарба берди ва 9 та голли узатмани амалга оширди.
