"Милан"нинг чап қанот ҳимоячиси Тео Эрнандес "Реал" ярим ҳимоячиси Эдуардо Камавинга ҳақида фикр билдирди. Эслатиб ўтамиз, "Қироллик клуби" ярим ҳимоячиси ўтган мавсумдан буён бир неча бор ҳимоянинг чап қанотида ўйнаган.
“Камавингани чап қанот ҳимоячисида кўрганимда, у мени умуман ажаблантирмади. Эдуардо - рақобатбардош "ҳайвон". Агар хоҳласа, у ҳатто дарвозабон сифатида ҳам бемалол ўйнай олади", - дея ҳазил қилди Эрнандес Diario AS нашрига берган интервьюсида.
Эслатиб ўтамиз, Камавинга ва Эрнандес Франция терма жамоасида бирга ўйнашади.