Италияда “А” сериянинг йигирма тўртинчи тур учрашувлари бўлиб ўтмоқда.
“Интер” “Рома”ни 4:2 ҳисобида мағлуб этди ва турнир жадвалидаги пешқадамлигини мустаҳкамлади. “Рома” бош мураббийи Даниеле де Росси натижадан хафа бўлганини яширмади, бироқ ўз футболчилари билан фахрланишини тан олди.
"Биринчи бўлимни “Интер” билан тенгма-тенг ўтказдик. Якунда мағлуб бўлганимиздан хафаман, чунки биз осонлик билан дуранг қайд этишимиз мумкин эди.
Лекин мен ўйинимиздан фахрланаман. Сиз фақат нарсаларнинг жисмоний томонини яхшилашингиз керак.
Чунки "Интер" каби жамоаларга қарши ўйинда сиз бутун 90 дақиқа давомида темпни ушлаб туришингиз керак, тинчланолмайсиз", - дея де Россининг сўзларини келтиради fcinter1908.it.
