Жуд Беллингемга ташхиси қўйилди.
Кеча Беллингем "Жирона"га (4:0) қарши ўйиннинг 57-дақиқасида жароҳати сабаб алмаштирилган бўлса, бугун "Реал" ярим ҳимоячининг чап тўпиғи оғир жароҳати ташхиси қўйилганини маълум қилди.
La Sexta журналисти Хосе Луис Санчеснинг хабар беришича, Беллингем 2-3 ҳафтани ўтказиб юборади.
Шундай қилиб, Жуд Чемпионлар лигаси 1/8 финалининг "РБ Лейпциг"га қарши биринчи ўйинини, шунингдек, Ла Лига доирасида "Райо Вальекано", "Севилья" ва "Валенсия"га қарши ўйинларни ўтказиб юбориши мумкин.
Журналист Аранча Родригеснинг ёзишича, Беллингем 6 март куни "Лейпциг"га қарши жавоб ўйинига тайёр бўлиши керак.
Беллингем жорий мавсум “Реал” сафида 29 та ўйинда майдонга тушиб, 20 та гол урди ва 8 та голли узатмани амалга оширди.
