Германияда Фишер номидаги Freestyle Chess G.O.A.T Challenge шахмат турнирида бугун чорак финал босқичи доирасида иккинчи ўйинлари ўтказилди.

Нодирбек Абдусатторов амалдаги шахмат тожи соҳиби хитойлик Динг Лиренга қарши кеча чорак финалнинг дастлабки ўйинида иштирок этиб, ғалаба қозонганди. Бугун эса ҳамюртимиз қора доналарда ўйнади. Абдусатторовга бугун дуранг ҳам етарли бўларди. Нодирбек бу вазифани муаммосиз уддалади. 49-юришдан кейин тахтада мутлақо тенглик ҳолати юзага келди.

Натижада икки ўйин натижасига кўра Нодирбек Абдусатторов рақибини 1,5 - 0,5 ҳисобида мағлуб этди ва ярим финалга чиқди. Ярим финалда қатандошимиз Алиризо Феружа (Франция) - Магнус Карлсен (Норвегия) жуфтлиги ғолиби рўбарў келади. Ҳозирча бу шахматчи ўртасидаги баҳсда дуранг бўлиб турибди (1:1). Ғолибликни аниқлаш мақсадида томонлар иккита блиц партия ўйнамоқда.

Ярим финалнинг дастлабки ўйинлари эртага ўтказилади.

Чорак финал натижалари:

Нодирбек Абдусатторов (Ўзбекистон) - Динг Лирен (Хитой) - 1-0; 0,5-0,5
Винсент Кеймер (Германия) - Левон Арониан (АҚШ) - 0,5-0,5; 0-1
Фабиано Каруана (АҚШ) - Домараджу Гукеш (Ҳиндистон) - 1-0; 0,5-0,5
Алиризо Феружа (Франция) - Магнус Карлсен (Норвегия) - 1:0, 0:1

Ярим финал жуфтликлари
Нодирбек Абдусатторов (Ўзбекистон) - Алиризо Феружа / Магнус Карлсен
Левон Арониан (АҚШ) - Фабиано Каруана (АҚШ)