Мадриднинг “Реал” клуби ярим ҳимоячиси Тони Кроос ҳали клуб билан шартномасини узайтириш борасида бир қарорга келмаганини айтди.
Мадрид клубининг 34 ёшли германиялик билан амалдаги шартномаси 2024 йилнинг июнь ойи охиригача амал қилади.
“Мен ҳар доим ҳақиқатни айтаман ва ҳозир ҳақиқат шундаки, мен билмайман. Мен нима истаётганимни ўйлаяпман ва ҳали ҳеч нарсага қарор қилганим йўқ. Одамлар "Реал"да яна бир йил қолишимни исташларини эшитсам, жуда хурсанд бўламан, лекин ҳаммаси кўп нарсага боғлиқ. Фаолиятимни энг юқори савияда якунламоқчиман. Ҳозир мен айни вақтдан завқланяпман. Ўйлайманки, қарорим ҳақида ўйлаш учун бироз кўпроқ вақт керак, мен хато қилишни хоҳламайман", - дея Крооснинг сўзларини келтиради Goal.
Кроос 2014 йилнинг июлидан бери "Реал"да ўйнаб келмоқда. 2023/24 йилги мавсумда футболчи барча мусобақаларда 31 та ўйинда майдонга тушиб, 1 та гол урди ва 7 та голли узатмани амалга оширди.
