"Реал Мадрид" бош мураббийи Карло Анчелотти ярим ҳимоячи Тони Крооснинг жорий мавсумдаги ўйини ҳақида ўз фикрлари билан ўртоқлашди.
"У ҳозир энг яхши мавсумини ўтказяптими, дейиш қийин, чунки уларнинг ҳар бири энг зўр. Унинг голли узатма фоизи ўн йил аввалгидек... Унинг ўйин сифати ўзгармади, лекин у ҳозир жуда бақувват жамоада ўйнамоқда. Шу билан бирга, у ўйин темпини аъло даражада бошқара олади", - деди Анчелотти.
Шунингдек, футболчининг келажаги ҳақида ўз фикрини айтди.
“Тони Кроос ўзи хоҳлаган нарсани танлаш ҳуқуқига эга. У нима қарор қилса, биз уни ҳурмат қилишимиз керак. Менимча, сиз фаолиятингизни юқори нотада якунлашингиз керак, аммо тўғри дақиқани танлашингиз керак", - дея қўшимча қилди мураббий.
Кроос 2014 йилдан бери "Реал"да ўйнаб келмоқда. Унинг клуб билан шартномаси жорий мавсум охирида якунига етади.
