“Эмполи”га 1:3 ҳисобида имкониятни бой берган "Салернитана" Филиппо Индзагини истеъфога чиқарди.
Жамоани Фабио Ливерани қабул қилиб олди. Машҳур собиқ футболчи Франк Рибери "Салернитана"да Ливеранининг ёрдамчисига айланиши мумкин.
– Рибери сизнинг биринчи ёрдамчингизга айланиши мумкинми? - "Кўрайликчи. Биз буни муҳокама қиламиз”, деди Ливерани матбуот анжуманида.
Эслатиб ўтамиз, Франк Рибери 2022-йил охирида футболчилик фаолиятини якунлаган эди. Франциялик футболчининг сўнгги клуби "Салернитана" эди. "Салернитана" ҳозирда А Серия турнир жадвалида охирги ўринни эгаллаб турибди.
