"Барселона" ярим ҳимоячиси Френки де Йонг яқинда клубдан янги шартнома бўйича таклиф олди. Журналист Ферран Корреаснинг хабарига кўра, раҳбарият футболчига ўйлаш учун бир ҳафта муҳлат берган.
"Барселона" янги шартнома бўйича Де Йонгнинг маошини қисқартирмоқчи. Амалдаги келишув Френкига йилига 37,5 миллион евро ишлаб олиш имконини беради ва жамоанинг энг кўп маош олувчи футболчиси ҳисобланади.
Раҳбарият молиявий инқироз шароитида пулни тежашни хоҳлайди. Маълум қилинишича, агар де Йонг "Барселона" шартлари бўйича шартнома имзолашдан бош тортса, клуб 26 ёшли нидерландияликни сотувга қўяди.
