"Бавария" ва "Лацио" клубларининг собиқ ҳужумчиси Мирослав Клозе ЕЧЛ 1/8 финали доирасидаги Мюнхен ва Рим жамоалари ўртасидаги биринчи ўйинда кимга ишқибозлик қилишини айтди.
"Мен одатда аутсайдерларга мухлислик қиладиган одамларданман. Бу ҳолатда, мен "Бавария"га қараганда бир йилни "Лацио"да кўпроқ ўтказганим учун римликларга мухлислик қиламан. Ўйлайманки, бу қизиқарли ўйин бўлади", - деди Клозе.
Клозе 2007 йилдан 2011 йилгача "Бавария"да ўйнаган. Германиялик ҳужумчи 2011 йилдан 2016 йилгача "Лацио" сафида ўйнаган. Рим клуби афсонавий ҳужумчининг фаолиятидаги охиргиси бўлди.
Эслатиб ўтамиз, "Лацио" – "Бавария" ўртасидаги илк учрашув 14 февраль, чоршанба куни бўлиб ўтади.
