"Ливерпуль" ҳужумчиси Муҳаммад Салоҳ жароҳатидан фориғ бўлиб жамоага қайтди. Бу ҳақда "Ливерпуль" клуби матбуот хизмати хабар берди.
Эслатиб ўтамиз, 31 ёшли футболчи Миср терма жамоасида жароҳат олганди. Бу Ганага қарши Африка Миллатлар Кубогининг 2-тур учрашувида юз берганди. Ўшандан бери Салоҳ майдонга тушмади.
Жорий мавсумда ҳужумчи барча турнирларни ҳисобга олган ҳолда 27та ўйинда қатнашиб, 18та гол урди ва 9та голли узатмани амалга оширди. 17 февраль куни "Ливерпуль" сафарда "Брентфорд" билан куч синашади. Англия чемпионатининг 25-тур ўйини Тошкент вақти билан соат 17:30да бошланади.
