"Манчестер Сити" ярим ҳимоячиси Кевин Де Брюйне Чемпионлар лигаси 1/8 финали биринчи учрашувида "Копенгаген" устидан қозонилган ғалаба (3:1) ҳақида фикр билдирди.
“Бу қийин ўйин бўлди. Биз бу ерда бир неча бор ўйнаганмиз ва атмосфера ажойиб. "Копенгаген" қўлидан келган ҳамма нарсани қилишга ҳаракат қилади. Улар гуруҳ босқичини ажойиб ўтказишди, шунинг учун биз уларни ҳурмат қилишимиз керак.
Биз жуда яхши бошладик, лекин кейин хатога йўл қўйдик ва улар бундан унумли фойдаланишди. Лекин ўйлайманки, биз жуда яхши ўйин ўтказдик ва иккинчи бўлимда кўпроқ гол уришимиз мумкин эди. Яхшиямки, якунда барибир учинчи голни уриб, яхши устунликка эришдик", - дея Де Брюйненинг сўзларини келтиради УЕФА матбуот хизмати.
