"Лацио" бош мураббийи Маурицио Сарри Чемпионлар лигаси 1/8 финалидан ўрин олган "Бавария"га қарши ўйиндан умидлари ҳақида гапирди.
“Агар биз ғалаба қозонишнинг иложи йўқ деб ҳисобласак, биз аллақачон мағлуб бўлган бўламиз. Ишончли бўлишимиз керак. Ҳар қандай ҳолатда ҳам ғалаба қозонишга ҳаракат қиламиз.
"Бавария"дан кучли ўйин кутаман. Бундай клублар миллий чемпионатда ёмон кунларни ўтказиши мумкин, аммо Чемпионлар лигасида хато қилишмайди", - дея Сарри сўзларини келтирмоқда Tuttomercato.
"Лацио" - "Бавария" учрашуви бугун, 14 февраль куни бўлиб ўтади. Тошкент вақти билан 01.00 да бошланади. Жавоб ўйини 5 март куни бўлиб ўтади.
