"Манчестер Юнайтед" "Ньюкасл" спорт директори Дэн Эшуортни клубга таклиф қилмоқчи.
Нуфузли журналист Девид Орнштейннинг хабар беришича, “қизил иблислар”нинг янги хўжайинлари 52 ёшли функционерни спорт директори лавозимига устувор номзод сифатида аниқлашди. “Ньюкасл” билан музокаралар ҳали бошланмаган, аммо тез орада аниқ қадамлар қўйилиши кутилмоқда.
Дэн Эшуорт ҳозирги лавозимида 2022 йилдан бери ишлаб келмоқда. У аввал уч йил давомида "Брайтон"нинг техник директори лавозимида ишлаган ва 2013 йилдан 2018 йилгача Англия термасининг ривожланиш бўйича директори бўлган.